CL DAILY, isang taong matapang na pagbabalita

Magandang balita, isang taon na pong naglilingkod sa inyo ang Central Luzon Daily. Isang taon na rin pong masusing nagbabantay at nagpapahayag ng mga katotohanan, masakit man sa iba, mahapdi man sa kanila, ang mahalaga po, malaman niyo ang mga storya at puna sa likod ng mga nagbabagang balita.

Kaya, sa hindi sinasadya, sa pahayagang ito, isinilang si Aling Iska, ang inyong matapang na kuwentista, komentarista, tsikadora, manghuhula at pusang gala sa paghanap ng mga sariwang balita.

Sa loob ng isang taon, ang Central Luzon Daily ay naging buhay na saksi sa mga kaganapan pang-ekonomiya at pulitika particular sa probinsiya ng Pampanga.

Buong tapang na sinuysoy ng pahayagang ito ang bawat anggulo, hugis at kulay ng mga balita sa mga kotrobersiya ng pangangasiwa ni Gobernador Eddie Panlilio.

Walang takot at walang pinalalampas na impormasyon, kahit alam nitong may mga ‘kainis at pikon.

Alam ni Aling Iska, palihim itong binabasa ng mga tao at opisyal ng pamahalaan na laman at paksa ng mga balita. Itanong mo man kay Among Ed at sa kanyang esposa sa kapitolyo ng Pampanga.

Anong esposa? Sa banal na kasulatan ay nasusulat, “hindi mabuti na ang lalaki ay mag-isa, ilalalang ko siya na makakasama.” Kaya kung paanong ang inyong lingkod ay may Aling Iska na esposa sa pagbabalita, si Panlilio ay may Atty. Vivian Dabu, ang kanyang kasama sa pangangasiwa sa probinsiya. Oh, my goodness! Ot makanini ing ibie?

Ang Central Luzon Daily ay hindi lamang nakatutok sa kapitolyo, masusi rin nitong sinusubaybayan ang pagkasira ng kalikasan dulot ng buntong-buntong basura bunga ng kawalang disiplina ng mga mamamayan, ang pananamantalan ng mga opisyal ng gobyerno sa kapangyarihan, paglaban sa katiwalian, mga nakakakilabot na kasinungalingan ng mga opisyal pagandahin lang kanilang itsura sa tingin ng pobreng mamamayan.

Hindi po tatatag at magtatagal ang pahayagang ito kung hindi sa buong suporta ng pamilya Hizon sa pangungana ng mag-esposang Jun at Lolita Hizon. Sa inyo maraming salamat po.

Nais din nating samantalahin ang pagkakataon na pasalamatan ang ating mga masugid na mambabasa na nagtetext at nagtatanong kung bakit si Aling Iska ay madalas na wala at tila natutulog din yata sa pansitan.

Salamat din po sa mga advertisers at sponsors. Kayo po ang bumubuhay sa pahayagang Central Luzon Daily.

Asahan po ninyong palagi ang aming matapang, walang kinikilingan at sariwang puna at pagbabalita.

Again, Happy 1st Anniversary sa mga kapamilya, kapuso at karehiyon natin sa Central Luzon Daily.

Oh, ano? Bukas, abangan ang deklarasyon ni Vice Governor Joseller “Yeng” Guiao sa pagkagobernador ng lalawigan.

Masarap na naming bakbakan. Abangan.

Kung may puna, lumiham at ipadala sa joeley01@yahoo.com o magtext sa 09063900920

Kay Dr. Ponio, palpak na supalpal pa si Panlilio

Ang kapalpakan ni Gobernador Eddie Panlilio sa kaso ni Dr. Eddie Ponio ay isang uri ng benggansa, pang-aabuso sa kapangyarihan at katigasan ng ulo.

I am sorry to say, Aling Iska. Masakit man Kuya Eddie, pero iyang ang ating pananaw.

Para malinaw ang ating punto de vista Aling Iska, balikan natin ang mga pangyayari sa likod ng pinagtibay na apila ni Dr. Ponio sa mga pamangahas na memoranda ni Panlilio.

Si Doktor Ponio ay nabigyan na permanenteng posisyon na pinagtibay noong December 10, 2002 ng Civil Service Commission bilang Provincial Health Officer 1 (PHO-1) ng Diosdado P. Macapagal Memorial Hospital. Hindi lang permanente ang binanggit na posisyon, tiniyak pa ang lugar o stasyon kung saan niya gagampanan ang naturang posisyon.

Subalit sa pag-upo ni Panlilio, sunod-sunod na kautusan o memoranda ang kanyang inilabas. Una ay ang Memorandum 33 naglalagay kay Dr. Romulo Lacson bilang acting chief of Hospital ng Diosdado at nagdedestino kay Ponio sa Provincial Health Office sa may Kapitolyo.

Kaano-ano ni Dr. Romulo Lacson ang isang doctor sa Holiday Inn sa loob ng Clark Freeport Zone? Meron bang ganoon doon? Aling Iska, kaepilyido lang siguro. Anyway, just probe it later.

Umapila si Ponio sa CSC, habang nakabinbin ay naglabas muli ng Memorandum No. 37 si Panlilio na nagdedestino kay Ponio sa Ricardo P. Rodriguez Memorial Hospital .

Bunsod nito, naglabas ng Resolusyon ang CSC na nag-uutos kay Panlilio na muling ibalik si Ponio sa Diosdado.

Sumunod na sumandali si Panlilio pero pagkatapos nito ay muli na namang naglabas ng Memorandum 55, may petsang September 22, 2008 na nag-uutos kay Poniop na gawin niya ang kanyang trabaho bilang PHO-1 ng Provincial Health Office.

Sa pagkakataong ito, inihayag ni Ponio na niloko ni Panlilio ang CSC sa pamamagitang ng Memorandum 55 dahil hindi isinaad nito ang geographical location ng kanyang bagong assignment. Ibig sabihin hindi sinabi ni Panlilio na sa Provincial Health Office idedestino si Ponio at hindi sa kanyang permanenteng istasyon.

Bunsod nito, nilagdaan mismo ni CSC Secretary Ricardo Saludo ang isang resolusyon na nagpapawalang bisa sa mga memoranda ni Panlilio laban kay Ponio.

Ang resolusyong ito kung iyong uunawain ay nagbibigay ng kaisipan na si Panlilio ay umabuso sa kapangyarihan o ng kanyang kawalang alam sa mga batas ng Civil Service Commission at sa Magna Carta ng Public Health Workers.

The CSC resolution stated that even after the Civil Service Commission ruled against the transfer order of Panlilio and ordered that it be held in abeyance, he has blatantly refused and continues to refuse to restore Ponio to his permanent station as appearing in his appointment. Said resolution should already have made a law abiding and mindful administrator from acting irrationally.

The commission has found the subsequent issuance of memorandum order no. 37 to be irregular. At the outset, the commission is still not convince to rule on the validity of Memorandum No. 55.

The CSC stated that the appointment of Ponio is station-specific and thus, Ponio shall report to the office where he was specifically appointed- at the DPMMH.

As such, Ponio could not be reassigned to any other station and he is entitled to stay permanently in that station specified in his appointment.

Kung ating lilimiin sa pasyang ito ng CSC, para nitong sinasabi na ang mga ginawang pagtrato ni Panlilio kay Ponio ay wala sa patulo at labag sa mga isinasaad ng batas.

Pusang gala, Aling Iska, palpak na naman si Gobernor Eddie. Ayusin niyo kasi, Kailangan huwag kang padadala sa init ng ulo o sa katigasan ng ulo para hindi ka nasusupalpal. Napakasakit kasi Kuya Eddie. Sinong Eddie, si Panlilio o si Ponio? Eh‘di siya dapat!!!

Kung may puna, pasensiya na, lumiham at ipadala sa joeley01@yahoo.com ot tumawag sa 09063900920.